SAB SOYE HAIN PAHREDAAR..HINDI POEM

Suited booted log,

Chadhte huye seedhiyan,

Chale ja rahe,

Aashram me, Math me-

Mandir me,

Bhare huye suitcase,

Bhaari bharkam,

Naa koi jaanch..

N parakh,

Sb soye hain pahredar,

Baahar bhikhariyon

Ki kataar…..   …..

Budhe, mahilayen, bachche..

Garib thithurte,

Kanpkanpate

Najar suitcase pr ,
kaash !

Kuchh daane he

Mil jaate khane ko..

Bebas aankhe

Magar nahi ..

Unka to ghusna

Bhi mumkin nahi,

Us pavitra praangan me ..

Us jail si unchi

chahardiwari me ..

Vahan to jaanch ho jayegi

Unke jeb ki , dress ki

Potli me lapeti do tukde

 rotiyon ki.

Surendrashukla “Bhramar”

Jalandhar Punjab

1.2.11  7.40PM