“ Koyla”- Bhramar –Hindi poem

“ Koyla”- Bhramar –Hindi poem

Kya hans doon mai,

Hua “Koyla”

‘Koyal” naa hoon,

kook kook kar

tumhe rijhaun,

khud ko mai

jhuthlaun.

Pahle se hi ,

Jala hua hoon,

Kudrat ka hoon mara,

Maar jor ki-

Lagi hamare,

‘Dagdh hriday par

abhi samhale,

bana nahi mai “Raakh,”

Berahmi duniya ki dekho,

Kuchh bhi n pahchan.

Apne 'swarth' ki khatir,

Nit nit roj lagate”Aag”

Jalne se kuchh

Dard to hota,

Unko kya ahsaas.

Lakh chhipa do,

Mn to rota,

Kya jaane

Hansna kya hota,

Jinki khatir –

Jala-gaya mai,

Jeevan deta

Naa sochen 'vo' ,pal-

Bhar bhayi,

'Ant' mera kuchh

Achchha hota.

Kabhi jalayen,

Kabhi bujha den,

“Roti apni Senke”

raakh huye bhi

gandi naali ya-

naala he fenke.

Tukur tukur bs

Taake -jaun,

Naala jb ye

Bahta-jaata,

Badhta-jaata,

Us “Ganga” ki oar,

Jahan’ Bhagirath’

Ke purvaj sab,

‘tare’ huye the,

paaye the ek chhor.

Mera ‘TP’ bhi kya –

Kuchh kam hai??

Ganga tak to-

 Jaun-shayad kal,

Fir banu.. aur kuchh-

Hans paaun-

 aur

hansaun.

6.34A.M. 12.2.11 Jal(PB).