Basant ne di hai dastak..( Hindi Poem by Bhramar)

Basant ne di hai dastak..

Ab Basant ne di hai,

Dastak,

‘paat’ lutaye paudhe saare,

har-har-har –har,

saare aaj huye

natmastak,

Ritu badli to

Mn bhi badla,

Paudhe phool sa jhume,

Kal ki katuta

Aaj bhulaye,

Har-har ko choome,

Kal hariyali,

Nayi koplen,

‘Baur’ Aam,

Koyal ki kook,

Barish rimjhim,

Peele medhak,

Sarso k ve

Peele phool,

Kahin nachta

moar dikhega,

bhare huye paani ke-

 khet,

rang birange phool khilenge,

“Khusbu” failegi

chahu oar

Baag bagiche-

 kooche upvan,

‘Khusbu’ itni

pyari hogi,

Khinche chale aayen

Har mn !

Har har mahadev ka naara,

Shiv shiv shiv ho,

Ka  jay ghosh,

Aao man ko

‘Poot’ bana len

pyar se paalen,

anuchit taalen,

tabhi tapasya

apni poori,

doori jb mit jaye,

mn se mn

gar mil jaye,

fir kya >>>>>

duniya “Basant”

ban jaye.

Surendrashuka “Bhramar”

7.44 AM Jalandhar

Punjab 8.2.11

Basant Panchmi.