IS CHAMAN ME FIR SE "AMAN" HINDI POEM

Ye lal rang,

Inhe unhe hame,

Ham sabko pyara hai,

Iske katre chheeten boonden,

Anayas jo yahan vahan,

Bah rahe mitti me mil rahe,

Pairo tale raunde ja rahe,

Sholey bhadka rahe,

Nafrat ki diwar ban,

Din pratidin rajneeti me,

Anu parmanu dhoondh rahe,

Barood bhar rahe,

Kapda aur makan to door,

Roti aur pet par laat,

Ye kya kalyugi baat !

Kab tak johen hm,

Kalki ki baat,

Aao ham mil jul,

Chhor reeti dhulmul,

Sanjoye samhalen,

In bahti boondon ko,

Banayen tasveeren sapno ki,

Bharen rang ,Ye Lal rang,

Inhe unhe hame ,

Ham sabko jo pyara hai,

Lagta hai najar lag gayi ,

Kisi ki hamare “Swarg”  ko,

Ye kitne pyare kitne kaam ke,

Kudrat ki amulya den,

Nikle the jo hariyali lane,

Basane Chand ,Suraj Aashiyan,

Bhatak gaye…

Bhool gaye.. kuchh rasta..Lakshya ,

Bhatak rahe disha vihin,

Paharo ghatiyon me,

Bhukhe log sahme bachche,

Bhargte fir rahe…

Kaash koi tathakathit ..

Allah …God…Bhagvan..

Ojha Neta ..Raajneta ,

Jadoogar chhari ghumata,

Ye bhatke log mil jaate ….

Hariyali laut aati,

Aur is Chaman me

Fir se “Aman”

Vahi phool khil jaate … 

sukumarshukla “Bhramar” 

 Udhampur Jammu & Kashmir  - 17 July ,2003.