Monday, February 14, 2011

Bandar Ghurki -Bhramar- Hindi Kavita (Hindi Poem)

“Bandar Ghurki”

“vo” Bandar bs
chheen jhapat kar
khana jaane,
iska uska,
tera mera
naa pahchane.






Ghanghra Choli,
Pahne uchhle,
Bhola gumsum
Chehra karke,
Khel dikhaye-
“Maalik” ko –
roj rijhaye,
aur sabhi ko
Bandar ghurki,
Deta roj
Daraata .

Jo mil jaye,
Chheen jhapatkr
Khata-jata aur
Khilata.

‘Bandar Ghudki’
jo dar jaaye
uska ho nuksaan,
vahi bacha –
sakta hai apna
khada ho
seena taan.

Kuchh khaye,
Kuchh fenke jaaye,
Bhar le jaye –
Gaal.

Chhoot agar tum
Isko de do
Ye ban jaye,
Kaal.

Isiliye
Laathi –Damru
Ya chahe
Koi Dor,
Haath me
Rakhna apne,
Ankush.

Tabhi ye naache,
Kaam kare sab,
Bhule ghudki,
Rakh paayega
Sabko KHUSH.

Surendrashuklabhramar
5.00 PM Jal (PB).

No comments: